Saltfiskur munkanna

Uppskriftir


Þessi réttur er upprunninn frá munkum á Spáni og var afar vinsæll á föstunni þegar ekki mátti neyta kjöts.
Þetta er frábær réttur og einfaldur.

fyrir 4-6
  • 1 laukur, saxaður
  • 2-3 hvítlauksrif
  • olía
  • 300 g spínat
  • salt
  • pipar
  • 400 g kartöflur, skrældar og skornar í þunnar sneiðar
  • 800 g saltfiskur, helst hnakkastykki
  • hveiti
  • 3 dl kjúklingasoð
  • 100 g geitaostur, má einnig nota rjómaost

Steikið laukinn og hvítlaukinn í olíu. Bætið spínatinu saman við og steikið áfram. Hrærið í á meðan. Kryddið með salti og pipar. Setjið til hliðar. Steikið kartöflusneiðarnar í olíu á báðum hliðum þar til þær eru farnar að taka lit og færið þá síðan í eldfast mót. Setjið spínatblönduna þar ofan á. Veltið fiskbitunum upp úr hveiti og brúnið í olíu á báðum hliðum. Leggið þá bitana ofan á spínatblönduna og hellið soðinu yfir. Myljið ostinn jafnt yfir. Bakið við 190°C í u.þ.b. 10-15 mín. (fer eftir þykkt fiskbitanna).

Older Post Newer Post


Leave a comment